Best screen:  800 x 600       Fryslan

 Parseberjocht:

 

Wa binne wy?

De Hub’n Bub’n út Amby, Maastricht, waarden yn’e winter fan 1987-1988 formearre troch Bert Huben. Hy krige it plan om yn earste ynstânsje in Oberkraïner-orkest op te rjochtsjen.

Dizze tipyske muzyk komt út it eardere Jûgoslavyske Slovenië wei. De Oberkraïner sound is benammen ferneamd wurden troch Slavko Avsenik (1956 Trompeten Echo). Spesifyk is de kombinaasje fan bas, akkordeon, gitaar, trompet, klarinet en bas-fugelhorn. Wa’t wol faker nei Eastenryk op fakânsje giet, sil perfoarst wol ris in kear yn oanrekking komme mei ien fan de wit hoe folle orkesten dy’t dizze soarte fan muzyk bringe. Yn’e foarm fan polka, wals en marsch jout boppesteande gearstalling fan ynstruminten in fleurige, flotte, noflike en sa no en dan lossinnige opwinende klankferhâlding wer. Dizze muzyk mei hielendal net fergelike wurde mei de styl lykas troch in hiel soad treflike Tiroler kapellen yn Limburch spile wurdt. Net allinnich is it orkest lytser (8 persoanen), mar de tempo’s geane folle flugger, mear ophisend en mei in soad showeleminten!!

 

Wat spylje wy?

Yn’e rin fan de jierren waard it repertoire útwreide. Der waarden nûmers tafoege fan bekende groepen lykas: Tiroler Nachtschwarmer, Tiroler Spatzen, Viller Spatzen, Orginal Alpenland Quintet, Schurzenjager, Junge Klostertaler ensfh.

Ynstruminten lykas de basgitaar, elektryske gitaar, keyboards en drums lizze by in tal nûmers in moderne, eigentydske “POP” boaium ûnder it gehiel.

 

CD’s

De earste CD fan de Hub’n Bub’n is in byinoar socht soadsje fan boppesteande groepen, ien grut “Fest der Musik” sa’t de titel fan de CD seit. Dizze CD hat net allinne yn ferskate hitparades stien, mar is ek troch Omrop Limburch en 25 lokale radiostasjons útkeazen as “Limburgs Leefste” (Limburchs leafste).

Yn july 1998 kaam der in nije single út mei de titels: “Sjpas, plezeer beleeve” en “Silberfaden”.

“Sjpas, plezeer beleeve” is skreaun troch Gaby Quaaden-Vreuls fan ús altyd warbere fanklub. De tekst giet oer de jierlikse Eastenryk Toernee fan de Hub’n Bub’n en de wille dy’t de fanklub dêroan belibbet!! “Silberfaden” is in oermjittich ynstrumintaal nûmer dêr’t de trompettist Olaf Frijns firtuoas boppe it meanfjild útstekt.

12 augustus 2001 is ús nije album “Wir sind wieder da” presintearre. Op dit album binne noch folle mear stilen oanwêzich dy’t dizze muzyksoarte sa karakterisearje. Fan Oberkraïner oant Alpenrock, foar eltsenien wol wat!

Yn 2008 sil ús jubileum CD útkomme, ek hjir wer in grutte útstalling fan it repertoire fan de Hub’n Bub’n.

Bysûndere tank giet út nei Studio Music House Records yn Maastricht, dy’t op tige profesjonele en saakkundige wize dy produksje mooglik makke hawwe dêr’t wy sa grutsk op binne.

 

Wêr spylje wy?

Yntusken hawwe de Hub’n Bub’n in aardige steat fan tsjinst. Yn 2007 hawwe se foar de fjirtsjinde kear op toernee west nei Dútslân, Eastenryk en Itaalje! Sjoen it feit dat dit orkest yn 2008 foar de fyftjinde kear frege wurdt om in toernee fan alve dagen te meitsjen by in soad bekende plakken lâns yn Tirol, Súd Tirol en Bayeren (it Walhalla fan dizze muzyk), jout wol deeglik de kwaliteit oan fan de Hub’n Bub’n.

 

Withoefolle optredens yn binnen- en bûtenlân waarden der al fersoarge. Lykas it troch hiel Europa ferneamde “Preuvenemint” yn Maastricht, simmerfeesten troch hiel Nederlân, de ferneamde blaasfestivals yn Aarle-Rixtel, Appeltern, Utert, Iepenloft Theater en Holland Casino yn Valkenburg, Open-Air Festival yn Maastricht, wrâldkampioenskippen hurdfytsen, Grand Prix der Volkstümlige Musik Súd Tirol, Vipiteno Italië, Bierfeesten Gulpen, Volendam, Kohlscheid Dútslân, Warmenhuizen, Diepenheim, Markelo, de Jouwer, Neede, Den Haag, Laren, Voeren België, Dinxperlo, Baak, Lochem, Rijssen en in hiel soad oare plakken. De Hub’n Bub’n belibje sels oan harren optredens in hiel soad wille. Se wolle dan ek njonken it bringen fan goede muzyk en in spektakulêre show in noflike, plezierige sfear skeppe mei elkoar en mei har publyk, dat op sa’n manier in pear gesellige oeren belibbet.

It orkest is poerbêst geskikt foar Frühschoppen, Spatschoppen, Tirolerjûnen, tintfeesten ensafuorthinne.

 

Hub’n Bub’n

 

Hub’n Bub’n

Ambyerstraat N 54,

6225 EG Maastricht

+31 (0)43 3622512

Holland Europe

www.hubnbubn.nl

daansmit@hubnbubn.nl

theyvreuls@tele2.nl

 

bûsboekje

"The place to be" for the Hub'n Bub'n in Austria is the  Ellmauerhof in Elmau/Tirol

CD-Album's:

CD album: "Ein Fest Der Musik" bestel nr.Music House Records tel 043-3217428/ SMH-9604

CD-Single: "Spasj,Plezeerbeleeve"/"Silberfaden" Music House Records tel 043-3217428

CD Album: "Wir sind Wieder Da !" Bestel nr .MHA-0104  Music House Records tel. 043-3217428

Booking:

They Vreuls, Ambyerstraat N 54,

6225 EG Maastricht 043 3622512

Email :     daansmit@hubnbubn.nl

Homepage

Top